Juventusi i ofron njërin nga tri yje Unitedit në ofertën për Pogban

13:29 / E diell, 11 Nëntor 2018

Juventusi thuhet se e do medoemos mesfushorin francez, Paul Pogba, në skuadrën e tyre saqë është gati t’i ofrojë njërin nga tri yjet si pjesë e marrëveshjes.

Mesfushori francez nuk po kalon ditët më të mira në Old Trafford dhe marrëdhënia e tij me trajnerin Jose Mourinho nuk është stabile.

Kjo situatë ka bërë që Pogba të mendoj largimin nga Unitedi dhe skuadrat e interesuara për të nuk mungojnë.

Njëra nga to është ish-skuadra e tij, Juventusi, që është e gatshme ta tund Unitedin me një ofertë të ‘çmendur’ për yllin francez.

Sipas mediumit anglez Express.co.uk, Zonja e Vjetër është e gatshme t’i ofrojë Djajve të Kuq njërin nga tre lojtarët e tyre për shërbimet e Pogbas.

Skuadra nga Torino po përgatitet t’ia ofrojë Unitedit qendërmbrojtësin Medhi Benatia ose mbrojtësin e majtë Alex Sandro, i cili pëlqehet shumë nga Mourinho.

Lojtari i fundit që do t’i ofrohet si pjesë e marrëveshjes është sulmuesi kroat, Mario Mandzukic.

Në rast pranimi të ofertës, Juventusi do të duhej t’i paguante edhe një shifër të konsiderueshme parash. /Telegrafi/

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400