Kush është talenti që po e kërkon e gjithë Evropa, me klauzolë 60 mln euro dhe në pritje të paraqitjes së parë

21:34 / E hëne, 16 Prill 2018

 

Manchester United, Arsenal, Milan e PSG janë disa nga skuadrat që interesohen për shërbimet e Joao Felix.

Portugezi 18 vjeçar është pjesë e Benfica B, ende nuk ka debutuar me skuadrën e parë dhe ka një klauzolë lirimi prej 60 milionë euro.

Historia e Felix është interesante. Në moshën tetë vjeçare iu bashkua Portos, rivalit kryesore të skuadrës aktuale.

Për shtatë vite ishte pjesë e Portos, për t’u larguar nga gjiganti portugez me arsyen se nuk qëndronte mirë fizikisht. Ai më vonë iu bashkua Padroenses, ndërsa nga fundi i vitit 2016 është pjesë e Benficas B.

“Pozicioni im i preferuar është si një mesfushor sulmues, por çfarëdo që më kërkon trajneri unë jam gati të bëjë. Unë jam në gjendje t’i përshtatem çdo pozicioni”, deklaron futbollisti 18 vjeçar, i cili ka idhull Kakan e në vendin e tij e krahasojnë me Rui Costan dhe Bernando Silvan.

Felix e përshkruan vetën si një lojtar inteligjent dhe i papërshkrueshëm, i cili e do topin në këmbët e tij.

Derisa ofertat për të vazhdojnë të rriten, ai ka zgjedhur për agjent Jorge Mendesin, i cili përfaqëson Cristiano Ronaldon

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400