Legjenda e Chelseat pensionohet në fund të këtij sezoni

12:36 / E martë, 13 Mars 2018

Ish-ylli i Chelseat dhe Bregut të Fildishtë, Didier Drogba, planifikon të pensionohet nga futbolli profesionist në fund të sezonit në kategorinë e dytë të futbollit në SHBA, United Soccer League.

Drogba, tani lojtar dhe pronar i Phoenix Rising në USL, ka gëzuar karrierë të shquar në futboll.

Sulmuesi, i cili të dielën i mbushi 40 vjet, nisi karrierën në Francë, duke mahnitur me Le Mans, Guingamp dhe pastaj me Marseillen, skuadër të cilën e ndihmoi të arrijë në finalen e UEFA-s në sezonin 2003-04, të cilën e humben ndaj Valencias së Rafa Benitezit.

Performancat e tij në Ligë 1 të Francës dhe në garat evropiane e binden Chelsean ta transferojë atë dhe t’i ndihmojë të bëhet njëri prej lojtarëve më ikonë në histori të klubit.

Për nëntë sezone në “Stamford Bridge” – përfshirë edhe rikthimin njëvjeçar në sezonin 2014-15 – Drogba fitoi katër tituj në Premierligë, katër Fa Cup, tri ELF Cup dhe një Ligë të Kampionëve, të parën për Chelsean.

Duke folur për Telefoot, Drogba ka thënë: “Për mua është kënaqësi të luaj. Nivelin e lartë e arrita vonë. Por, vërtet kënaqem duke luajtur. Më pëlqen roli lojtar-pronar. Jam i rrethuar nga lojtarë shumë të rinj dhe më pëlqen t’ua përcjell njohurit. Por, ky sezon është i fundit për mua, sepse tani jam 40 vjeç”

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400