Lopetegui ka gjetur zëvendësuesin e Ronaldos

09:57 / E mërkure, 15 Gusht 2018


Trajneri i Real Madridit, Julen Lopetegui, është i bindur se Gareth Bale do të arrijë ta mbushë hapësirën e lënë bosh nga largimi i Cristiano Ronaldos në skuadrën e tij.

Ronaldo i kishte shënuar 450 gola në 438 ndeshje me klubin madrilen. Gjatë këtij afati kalimtar, ai u transferua në Juventus për 105.3 milionë euro dhe Real Madridi ende nuk e ka blerë asnjë sulmues për ta zëvendësuar atë, transmeton Gazeta Express.

Kjo do të thotë se mbi Bale do të ketë presion të shtuar këtë sezon që të performojë. Sezonin e kaluar, ai shënoi dy gola në finalen e Ligës së Kampionëve, duke i siguruar kështu klubit të tij fitore kundër Liverpoolit.

“Ne jemi të lumtur që Bale është me ne. Ai është i motivuar dhe me shumë shpresa dhe kemi qenë duke punuar shumë që nga fillimi i sezonit”, ka thënë trajneri spanjoll.

“Jemi të kënaqur me sjelljen dhe dëshirën e tij, ai është shumë profesionist dhe po punon me të njëjtën dëshirë si lojtarët e ekipit të të rinjve. Jemi të bindur se ai do të ketë një sezon të mrekullueshëm”.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400