Një foto e publikuar nga faqja zyrtare e Chelseat në Twitter, ka bërë buj të madhe në media.

Chelsea ka publikuar një foto të legjendes italiane, Marco Materazzi në rrjetet sociale dhe ka nxitur shumë reagime nga tifozët “blu”.

Është vërtetuar se nuk ka të bëjë asgjë me të ardhmen e italianit. Thjeshtë ky postim ka të bëjë me miqësoren që Chelsea do ta luajë më 18 maj kundër legjendave të Interit, dhe në të bën pjesë edhe ish-mbrojtësi i Interit.

Italianit do t’iu bashkohen edhe disa emra tjerë legjendar; Javier Zanetti, Youri Djorkaeff dhe Francesco Toldo.

Materazzi i cili më shumë njihet me goditjen që e mori nga Zinedine Zidane në Kupën e Botës, futbollit i dha fund në vitin 2016. Ai ka shijuar punën e të qenit një trajner, pasi ishte në stolin e Chennaiyin FC.

Të gjitha të drejtat janë të rezervuara © 2019 - Gazeta Infopress