Petkovic flet për herë të parë për Behramin: Valoni nuk kuptoi çfarë i thashë

15:26 / E shtunë, 25 Gusht 2018

Mesfushori nga Kosova, Valon Behrami është larguar nga Përfaqësuesja e Zvicrës.

Shkak për largimin e tij nga ekipi përfaqësues zviceran është bërë një telefonatë nga trajneri Vladimi Petkovic.

E për këtë gjë për herë të parë ka folur trajneri boshnjako zviceran, Petkovic.

Sipas tij ai nuk e ka të drejtën të pensionojë futbollistë, por që fjalët e tij janë keqkuptuar.

“Unë nuk e kam atë të drejtë të pensionoj lojtarët, vetëm mund të përzgjedh ose jo një futbollist”, u shpreh Petkovic për mediat zvicerane.

“Kam dashur vetëm t’i informojë disa lojtarë se ndeshjet në Ligën e Kombeve do t’i shfrytëzojë për t’i dhënë mundësi lojtarëve të rinj për të pasur më të lehtë të zgjedh skuadrën për kualifikimet e vitit të ardhshëm për Euro 2020”, tha ish- trajneri i Lazios.

Petkovic dhe Behrami

“Të gjithë lojtarët e kuptuan arsyeshmërinë time, Gelson Fernandes madje e kishte pritur se kishte vendosur të pensionohej, të gjithë tjerët e kuptuar, fatkeqësisht vetëm Valoni jo”, vazhdoi tutje numri një i Kombëtares së Zvicrës.

Petkovic ka thënë se i vije keq për Behramin, pasi nuk e meriton një gjë të tillë.

“Më vjen keq për Behramin, nuk e meriton këtë pas gjithçkaje që ka dhënë për ekipin kombëtar”, përfundoi Petkovic. /Telegrafi/

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400