Rossi thumbon Marquez: Gara në Argjentinë u prish nga një pilot i rrezikshëm

10:37 / E hëne, 16 Prill 2018


Edhe pse ka kaluar një javë nga gara e Çmimit të Madh të Argjentinës në Moto GP, piloti italian Valentino Rossi ende nuk e ka harruar incidentin me Marc Marquez dhe inatin që ka me rivalin spanjoll, që 4 xhiro nga fundi e nxori jashtë piste. Në një postim të nxjerrë në faqen e tij zyrtare “Instagram”, 9 herë kampioni i botës i rikthehet garës në pistën e Termas, duke shkruar. “Një garë e vështirë, e shkatërruar nga një pilot i rrezikshëm”.

Normale që Rossi i referohet kontaktit me Marquez, që e konsideron të rrezikshëm, duke nisur një tjetër konflikt mes dy prej pilotëve më të mirë në Moto GP. Dy pilotët pritet që të takohen ditët në vijim edhe me drejtuesit e kampionatit të Moto GP, presidenti Carmelo Ezpeleta, që do të përpiqet të sqarojë situatën me të dy pilotët në prag të garës së ardhshme, në Austin. Pas atij incidenti, Marquez u penalizua me 30 sekonda nga drejtuesit e garës.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400