Southgate ka një mesazh për ekipin e Anglisë pas humbjes nga Kroacia

09:53 / E enjte, 12 Korrik 2018

 

Gareth Southgate, trajneri i Anglisë, nuk e ka fshehur krenarinë për grupin e lojtarëve që ai drejtoi në këtë Botëror ku e eliminua një natë më parë nga Kroacia.

Megjithatë, Southgate tha pas ndeshjes se kombëtarja e Anglisë duhet të shkonte në finale të këtij Botërori.

“Tani për tani, të gjithë po e ndiejmë dhimbjen e humbjes. A kemi pritur të jemi në këtë fazë? Nuk besoj se dikush nga ne e ka pritur këtë. Mirëpo, kur arrin deri në këtë pikë dhe ke luajtur ashtu si kemi luajtur ne, dhe ashtu si luajtëm mirë në pjesën e parë, është dashur që t’i shfrytëzojmë këto raste që të vijnë në jetë. Mirëpo, ajo që do të them është se jam jashtëzakonisht krenar me këtë grup lojtarësh, të cilët kanë përparuar shumë. Mendoj se reagimi i tifozëve ndaj tyre, krahasuar me dy vite më parë, ua tregon këtë, se për herë të parë përvojat me Anglinë mund të jenë pozitive, vendi është shumë krenar me ta dhe me mënyrën si kanë luajtur, dhe me kalimin e kohës do t’i vlerësojmë shumë momente pozitive”, është shprehur trajneri i Anglisë.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400