Tifozi shkon me traktor nga Zvicra në Rusi për ndeshjen kundër Serbisë

11:07 / E premte, 22 Qershor 2018

Një tifozë i flaktë i përfaqësueses së Zvicrës ka udhëtuar 2 mijë kilometra me traktorin e tij klasik për të parë ndeshjen kundër Serbisë në Rusi, që do të zhvillohet sonte nga ora 20:00.

Me traktorin e tij të kuq, Beat Studer ka arritur në Kalinigrad pas 12 ditësh udhëtim që filloi në Luzern.

Studer, pronar i një muzeu traktorësh, dhe dy shokët e tij, Werner Zimmermann e Josef Wyer, i erdhi ideja për udhëtim me traktor pasi Zvicra siguroi pjesëmarrjen në Botëror, por vendosën që nga ky udhëtim të bënin diçka të mirë për vendin e tyre.
Me qëllim që të niseshin me traktor ata siguruan 20 mijë franga bamirësi për fëmijët.

Ata e siguruan këtë fond dhe ia mësynë Rusisë për të parë Zvicrën në ndeshjen vendimtare të grupit E.

“Me traktorin nuk kisha probleme”, ka thënë Wier pasi ka arritur në Rusi.

“Kisha probleme me dy shoferët tjerë që silleshin si fëmijë”, ka shtuar ai që tregon se ka kaluar kohë të mirë në shoqërinë e dy shokëve.

“Idetë e çmendura vijnë vetëm kur jeni pak i dehur”, ka thënë Wyer duke qeshur

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400