Tri arsyet pse Franca e meriton të fitojë Kupën e Botës

15:59 / E diell, 15 Korrik 2018

 

Faqja zyrtare e FIFA-s ka përpiluar tri arsyet pse Kombëtarja e Francës e meriton të fitojë trofeun e Kupës së Botës “Rusia 2018”.

Kampionati Botëror është në fazën finale, pasi fitues i vitit 1998, Franca përgatitet të përballet me finalistët e parë në histori, Kroacinë, në finalen e madhe e cila zhvillohet nga ora 17:00 në stadiumin Luzhniki në Moskë.

Përpara fillimit të kësaj ndeshje, le të hedhim një vështrim më të afërt se pse ekipi kombëtar francez e meriton të fitojë trofeun e dëshiruar dhe të shkruajë emrat e tyre në librat e historisë së Francës përgjithmonë.

Franca janë më të bashkuar se kurrë (Getty Images)

1.Soliditeti, fortësia

Mbrohen dhe sulmojnë së bashku. Francezët kanë impresionuar gjatë gjithë turneut. Statistikat flasin vetë:

Që nga fillimi i Botërorit, Franca ka zvarritur lojën për vetëm nëntë minutash.

N’Golo Kante ka fituar topin plot 48 herë në Rusi 2018, më shumë se çdo lojtar në Kampionatin Botëror.

Hugo Lloris ka pritur secilën nga shtatë goditjet e fundit në kuadrat që ai ka pasur.

Me tetë fitore në 11 ndeshjet e fundit (73 për qind), Didier Deschamps ka përqindjen më të lartë të fitoreve nga çdo trajneri që ka marrë përgjegjësinë për të paktën dhjetë ndeshje në Kupën e Botës.

Kundër Argjentinës, Kylian Mbappe u bë lojtari më i ri që nga Pele (në vitin 1958) që shënon në fazat e eliminimit të Kupës së Botës.

Të gjithë të përfshirë në ekip (Getty Images)

2.Fryma e ekipit

“Kupa Botërore nuk respekton talentet, vetëm skuadrat”, deklaroi trajnerin e Belgjikës, Roberto Martinez, përpara humbjes gjysmëfinale të tij nga Les Bleus.

Njerëzit e Didier Deschamps janë një mësim i bashkëjetesës.

Së pari, në nivelin e futbollit: çdo lojtar mund të japë një kontribut vendimtar ose të shënojë një gol vendimtar. Provat janë të dukshme në profilet e golashënuesve të tyre që nga fillimi i raundeve eliminuese: mbrojtësit, mesfushorët dhe sulmuesit janë rritur të gjithë në këtë rast.

Së dyti, në nivelin njerëzor: siç tregohet nga një skuadër, zëvendësuesit e të cilëve dynden si një për të festuar golat me shokët e tyre në fushën e lojës dhe se i vetmi yll në këtë skuadër është vetë Franca.

Ata janë transformuar nga koleksioni i individëve në një grup të bashkuar. Nga portieri i tretë deri tek shefi i sigurimit, nga lojtari titullar tek ndihmës-trajneri, të gjithë janë 100 për qind të përfshirë dhe të përkushtuar ndaj misionit të ekipit.

Deschamps ka fituar Botërorin si lojtar dhe tani është gati si trajneri (Getty Images)

3.Historia

Njëzet vjet pas titullit të tyre të parë dhe të vetëm të botës, francezët janë në prag të përsëritjes së historisë.

Është simbolike se ekipi që qëndron në rrugën e tyre duhet të jetë Kroacia, ende duke kërkuar hakmarrje për një humbje në gjysmëfinalen gjatë atij kampionati triumfues në vitin 1998.

Nëse Franca do të fiton sot (e diel), Didier Deschamps do të bëhej vetëm i treti  pas Mario Zagallos dhe Franz Beckenbauer që do të fitojë titullin botëror edhe si lojtar dhe si trajner.

Të gjithë përbërësit për një fund përrallor janë në vend, dhe planetët duket se janë të përafruara: 2018 do të jetë viti i ëndrrës së dytë blu.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400