Xhaka e Mustafi mund të largohen nga Arsenali?

11:12 / E enjte, 19 Prill 2018

Shkodran Mustafi dhe Granit Xhaka nuk e kanë të sigurt nëse do të jenë pjesë e Arsenalit edhe në edicionin e ardhshëm.

Dy shqiptarët, siç raportojnë mediumet në Angli të mërkurën, nuk kanë arsyetuar pritshmëritë, dhe gjasat janë të mëdha që gjatë verës të përfshihen në listën e lojtarëve që do të jenë në shitje.

Mustafi i kushtoi Arsenalit 41 milionë euro, kurse Xhaka 45 milionë. Por, pas këtij edicioni të vlerësuar jo të mirë për dy futbollistët shqiptarë, vlera e tyre në treg ka rënë.

“Arsenali këtë verë do ta rishikojë ekipin dhe vetëm dy vjet pas transferimit të tyre, Mustafi dhe Xhaka nuk janë në plane për të ardhmen”, shkruan “standard.co.uk”.

Si Mustafi ashtu edhe Xhaka me Arsenalin kanë kontratë deri në vitin 2021.

Mustafi ka shënuar tre gola dhe ka asistuar një herë në 24 paraqitje në Premier League këtë sezon, kurse Xhaka në 33 paraqitje ka shënuar një gol dhe ka asistuar pesë herë.

Sido që të jetë, e ardhmja e tyre në Emirates do të varet edhe nga ardhja e trajnerit të ri, nëse do t’i pëlqejë dy shqiptarët apo do të preferojë dy lojtarë me tipare tjera.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400